Aqmolada Táýelsizdik merekesi qarsańynda órt sóndirý bólimderine 15 avtokólik tapsyryldy
«Kókshetaý» mádenıet saraıynda ótken saltanatty sharada aımaq basshysy aldymen óńirdiń órt sóndirý bólimderine sý jańa 15 avtokólikti tapsyrdy. Bul 15 kóliktiń 12-i órt sóndirýge arnalǵan avtotsısterna, 2-ýi «ÝAZ» avtokóligi jáne 1-i TREKOL jol talǵamaıtyn – batpaqta júretin kólikter.
Budan ári, mádenıet saraıynyń foıesinde «Táýelsiz eldiń urpaqtary» ınnovatsııalyq jobalar kórmesi usynyldy.
Merekelik sharaǵa jınalǵandar aldynda sóz sóılegen aımaq basshysy barsha aqmolalyqtardy elimizdiń basty merekesi - Táýelsizdik kúnimen quttyqtaı kele, Qazaqstannyń egemendik jyldary qol jetkizgen jetistikteri jaıly aıtyp berdi.
«Óńirimizde jańa bilim oshaqtaryn salýdyń arqasynda úsh aýysymdyq mektepter máselesi birtindep sheshilip keledi. Keler jyly shalǵaı aýyldarda ornalasqan mektepterge bir myń kompıýter tehnıkasy satyp alynyp, 13 robot tehnıkasy kabınetteri ashylady. Qazir jumys istep turǵan 20 resýrstyq ortalyq Nazarbaev zııatkerlik mektepteriniń standarty boıynsha jabdyqtalady. 2021 jyly Kókshetaý qalasynda 800 oryndyq kópsalaly oblystyq aýrýhana, múgedekterge arnalǵan ońaltý ortalyǵynyń jáne nefrologııalyq ortalyqtyń qurylysy bastalady. Joǵary medıtsınalyq oqý ornyn bitirip kelgen 34 jas mamanǵa oblystyq bıýdjet esebinen 1 mıllıon teńge kóleminde kótermeaqy tólenedi. Keler 2020 jyly Kókshetaý qalasynda Qazaqstan men Reseı arasyndaǵy óńiraralyq yntymaqtastyq forýmy ótedi. Bunyń bári de Táýelsizdigimizdiń arqasynda qol jetkizip otyrǵan jetistikter», - deı kele, Ermek Marjyqpaev Táýelsizdik alǵan shırek ǵasyrdan astam ýaqyttan beri eldi kórkeıtýge bar kúshterin salǵan aqmolalyqtarǵa shynaıy alǵysyn jetkizdi.
Sondaı-aq, memlekettik jáne qoǵamdyq qyzmette eńbegi sińgen azamattarǵa ár deńgeıdegi memlekettik marapattardy tapsyrdy.
