Aqmolada Táýelsiz Qazaqstannyń qalyptasýyndaǵy Elbasynyń róli talqylandy
Іs-sharaǵa keńes músheleri, etnomádenı birlestikter, memlekettik mekemeler, buqaralyq aqparat quraldary, úkimettik emes uıymdar men jastar ókilderi qatysty.
«QR Tuńǵysh Prezıdenti, Elbasynyń basshylyǵymen egemen Qazaqstan óziniń syrtqy jáne ishki saıasatynyń basty basymdyqtaryn aıqyndaı otyryp, óziniń qalyptasý jáne damý jolynan ótti. 30 jyl ishinde Qazaqstan azamattyq beıbitshilik pen etnosaralyq kelisim tájirıbesi álemdik qoǵamdastyqta qundy dep tanylǵan elge aınaldy. Táýelsizdik tarıhynyń bir bólshegi bolyp tabylatyn sizderdiń árqaısylaryńyzǵa memlekettiń damýyna qosqan úlesterińiz úshin shyn júrekten alǵysymdy bildiremin», – dep atap ótti Aına Mysyrálimova óziniń quttyqtaý sózinde.
Іs-sharada Tselınograd aýdanynyń ákimi Baqytbek Ospanbekov, Qazaqstan halqy Aqmola Assambleıasy tóraǵasynyń orynbasary, «Sangı-Kabýd» tájik ulttyq-mádenı ortalyǵynyń tóraǵasy Omar Shonazarov, «Jańǵyrý joly» Aqmola Jastar qozǵalysynyń jetekshisi Vladıslav Veber, Kókshetaý qurylys-tehnologııalyq kolledjiniń bıologııa pániniń oqytýshysy, Aqmola QHA janyndaǵy Memlekettik tildi nasıhattaý jáne damytý ortalyǵynyń múshesi Alena Malkova-Solopova sóz alyp, Táýelsizdikti, beıbitshilik pen kelisimdi nyǵaıtý, birlikti saqtaý, qoǵamdy odan ári damytý máseleleri boıynsha pikirlerimen bólisti.
Keńes otyrysyn qorytyndylaı kele, Aqmola QHA tóraǵasynyń orynbasary óńirdegi etnosaralyq kelisimdi nyǵaıtýda odan ári júıeli jáne sapaly jumys júrgizýge, atap aıtqanda, el Prezıdentiniń ekologııalyq bastamalaryn iske asyrýǵa jastardyń belsendi qatysýyna, oblys aýdandarynda analardyń rýhanı tárbıesi men jan – jaqty damýyna baǵyttalǵan «Mádenıetti ana-mádenıetti ult» jobasyna, etnomádenı birlestikterdiń «Bizdiń ólkemizdiń tarıhy» jobasyn júzege asyrýǵa atsalysýǵa shaqyrdy.
Keńes sońynda dostyqty, beıbitshilik pen kelisimdi nyǵaıtý isindegi jemisti jumysy úshin Aqmola oblysynyń ákimi Ermek Marjyqpaevtyń atynan birqatar aqmolalyqtar alǵys hat jáne baǵaly syılyqtarmen marapattaldy.
