Aqmolada sý resýrstaryn tıimdi paıdalaný jobasy bastaldy
ASTANA. KAZINFORM — Aqmola oblysynda Sý resýrstary jáne ırrıgatsııa mınıstrligi «Alva» lımandy sýarý júıesiniń bas sý torabyn rekonstrýktsııalaý jumystaryn bastady. Joba aıasynda temirbeton konstrýktsııalaryn, kópir ótkelin jáne sý rettegish qurylystardy qalpyna keltirý kózdelgen. Bul týraly vedomstvonyń baspasóz qyzmeti málim etti.
«Alva» lımandy sýarý júıesi arqyly sý jaıylatyn aýmaqtyń kólemi 12,8 myń gektardan asady. Rekonstrýktsııalaý jumystary lımandy sýarý alqaptaryna sýdyń tıimdi jiberilýin qamtamasyz etip, Nura ózeni júıesiniń sý sharýashylyǵy kesheniniń tıimdiligin arttyrýǵa jáne Aqmola oblysynda aýyl sharýashylyǵyn damytýǵa baǵyttalǵan.
— Alva» lımandy sýarý júıesi 1959 jyly Nura ózeniniń kóktemgi tasqyn sýyn retteý maqsatynda salynǵan. 2018 jyly nysanda bas sý torabynan basqa barlyq sý ótkizý nysandaryn jóndeý jumystary aıaqtaldy. Sol kezde beton konstrýktsııalaryn qalpyna keltirý, jer jumystary júrgizilip, topyraq bógetteri být taspen jáne topyraqpen nyǵaıtyldy. Sonymen qatar úsh avtomatty sý tastaǵysh salyndy. Qazirgi tańda júzege asyrylyp jatqan joba júıeniń tıimdiligin edáýir arttyrýǵa múmkindik beredi, — dedi Sý resýrstary jáne ırrıgatsııa mınıstrligi Sý sharýashylyǵy komıtetiniń tóraǵasy Arsen Jaqanbaev.
Aıta keteıik, Jambylda sýarý júıesi jańǵyrtylyp, sý únemdeý kólemi artty.
