Aqmolada sporttyq balyq aýlaýdan ashyq týrnır ótti
KÓKShETAÝ. QazAqparat - Aqmola oblysynda Qazaqstan halqy Assambleıasynyń 25 jyldyǵyna oraı muz ústinde qarmaqpen sporttyq balyq aýlaýdan ashyq týrnır ótti, dep habarlaıdy QazAqparat tilshisi.
Bul jolǵy jarysqa Aqmola oblysy men Nur-Sultan qalasynan kelgen 16 komanda qatysty. Saıystyń alǵashqy kezeńinde qatysýshylar jyldamdyq synap kórdi. Árbir qatysýshy belgili bir ýaqyttyń ishinde muzdy shamasy kelgenshe kóbirek oıýy kerek boldy.
Al, ekinshi kezeńde kimniń qarmaǵy kóbirek tartyp, balyqty barynsha kóp aýlaǵan jeńimpaz atanatyn boldy.
Týrnır qorytyndysy boıynsha, jalpy komandalyq esepte 1-shi oryndy Nur-Sultan qalasynyń balyqshylary jeńip alsa, 2-de jáne 3-shi oryndardy Astrahan aýdanynyń jáne Arshaly aýdanyndaǵy Arnasaı selolyq okrýginiń komandalary ózara bólisti.
Al jekeleı esepte Aleksandr Krýtov eshkimge des bermedi.
