Aqmolada sottalǵandarǵa kezdesýdiń ornyna eki saǵattyq beınebaılanys usynylady
KÓKShETAÝ. QazAqparat - Karantınge baılanysty Aqmola oblysynda sottalǵandar endi jaqyndarymen kezdesýdiń ornyna 2 saǵattyq beınebaılanys jasaıdy, dep habarlaıdy QazAqparat tilshisi Aqmola oblysy boıynsha QAJD baspasóz qyzmetine silteme jasap.
Qazaqstan Respýblıkasynyń kóptegen mekemelerindegideı, Aqmola oblysy boıynsha QAJD ETs-166/25-te karantınge baılanysty týystarymen uzaq jáne qysqa merzimdi kezdesýlerge tyıym salynady.
«Búgingi kúnge deıin sottalǵandarǵa QR QAK 109-babyna sáıkes uzaqtyǵy 15 mınýttan aspaıtyn taksofon boıynsha beıneqońyraýlar men qońyraýlar qoljetimdi boldy. Endi sottalǵandardyń jaqyndarymen beıneqońyraý arqyly eki saǵat sóılesýge múmkindigi bar»,- dep atap ótti Aqmola QAJD baspasóz hatshysy Irına Gornova.
Protsedýranyń qoljetimdi bolýy úshin sottalýshy qysqa kezdesýdi 2 saǵattyq beıneqońyraýǵa aýystyrý týraly ótinish jazýy kerek.
«Árıne, bul shynaıy kezdesýdi almastyra amaıdy, biraq týystarymyz bul KVI-diń aldyn alýǵa jáne taralýyna jol bermeýge baılanysty shekteý sharalary ekenin túsinedi. Al beıneqońyraý arqyly sóılesý bizge kem degende biraz ýaqyt otbasymyzdyń ortasynda bolýǵa múmkindik beredi», - dep qosty sottalǵan Erlan.
Aslan Ospanov.
