Aqmolada sottalǵan jigit túrme qyzmetkerine para bermek boldy

KÓKShETAÝ. QazAqparat - Aqmola oblysynda isti bolǵan er adam qylmystyq atqarý júıesi departamentiniń qyzmetkerine para bermek boldy, dep habarlaıdy QazAqparat tilshisi Aqmola oblystyq QAJD baspasóz qyzmetine silteme jasap.

Vedomstvonyń dereginshe, 1988 jyly týǵan Aqmola oblysynyń turǵyny jazasyn óteýge qolaıly jaǵdaı jasaý úshin Kókshetaý qalalyq tergeý ızolıatorynyń qyzmetkerine mekemege uıaly telefon kirgizý úshin aqshalaı syıaqy bermek bolǵan.

«Para bermek bolǵan jigittiń áreketin áshkereleý úshin mekeme qyzmetkeri bul usynysqa ádeıi kelisken. Keıin raport negizinde, zań aıasynda atalǵan oqıǵa ETs-166/23 aqparatty tirkeý kitapshasynda tirkelip, odan ári protsessýaldyq sheshim qabyldaý úshin Aqmola oblystyq PD ІQB joldandy. Osyǵan baılanysty QR QK 367-babynyń 1-bóligi boıynsha qylmystyq is qozǵaldy. Arada bir-eki kún ótkende túrme ızolıatory qyzmetkeriniń bank kartochkasyna isti bolǵan er adamnyń áıeli 35 000 teńge aqsha salǵan», - deıdi vedomstvonyń baspasóz qyzmetindegiler.