Aqmolada shaǵyn jáne orta bıznesti qoldaý úshin 14,9 mıllıard teńge qarjy bólingen
KÓKShETAÝ.QazAqparat - Aqmola oblysynda 2010-2017 jyldary shaǵyn jáne orta bıznesti damytý úshin «Bıznestiń jol kartasy-2020» memlekettik baǵdarlamasy sheńberinde 14,9 mıllıard teńge qarjy bólingen. Onyń ishinde 2017 jyly bólingen aqshanyń kólemi 4,8 mıllıard teńgeni qurady, dep habarlaıdy QazAqparat tilshisi.
Baǵdarlama júzege asqannan bergi 8 jyldyń ishinde onyń qatysýshylary tarapynan 67,3 mıllıard teńge kóleminde salyq tólengen.
Aqmola oblystyq kásipkerlik jáne ónerkásip basqarmasynyń málimeti boıynsha, baǵdarlama qolǵa alynǵannan beri 682 joba qoldaý tapqan. Bıylǵy jyldyń 8 aıynda 16 joba qoldaý taýyp, 15 myń jańa jumys orny ashylǵan.
Sonymen qatar, óńirde kásipkerlikti damytý sheńberinde oblystyq bıýdjet esebinen qarjylandyrylatyn «Shaǵyn jáne orta kásipkerlik sýbektilerin óńirlik qarjylandyrý» baǵdarlamasy jáne «Damý» kásipkerlikti damytý qory jumys isteıdi.
Oǵan qosa, óńirde kásipkerlikti qoldaýdyń qarjylaı emes sharalary júzege asyrylýda. Onyń ishinde jumys istep jatqan bızneske servıstik qoldaý, menedjerlerdiń tegin keńesi men jobalyq oqytýy bar.
