Aqmolada sertıfıkattalmaǵan 381 qorap pırotehnıka tárkilendi
KÓKShETAÝ. QazAqparat – Aqmolalyq tártip saqshylary pırotehnıkalyq ónimderdi zańsyz saýdalaýdyń 13 faktisin anyqtady, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, oblys aýmaǵynda 2019 jyldyń 17 jeltoqsanynan bastap 2020 jyldyń 3 qańtaryna deıin «Pırotehnıka» jedel aldyn alý sharasy ótip jatyr.
«Sharanyń alǵashqy bes kúninde-aq Aqmola oblystyq PD qyzmetkerleri 42 reıd uıymdastyryp, pırotehnıkalyq ónimderdi tıisti qujatsyz saýdalaýdyń 13 faktisin anyqtady jáne sertıfıkattalmaǵan 381 qorap pırotehnıka tárkilendi. Barlyq faktiler boıynsha QR QK 196-baby negizinde hattama toltyrylyp, jalpy sommasy 381 myń teńge aıyppul salyndy», - dedi vedomstvodan.
Polıtseılerdiń aıtýynsha, pırotehnıkalyq ónimderdi tıisti lıtsenzııasy bar arnaıy oryndardan ǵana satyp alýǵa bolady.
