Aqmolada seriktestik aqshasyn ysyrap qylǵan býhgalter isti boldy
KÓKShETAÝ. QazAqparat – Aqmola oblysynda seriktestiktiń aqshasyn ysyrap qylǵan býhgalter isti boldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 4 tamyzda Atbasar aýdandyq kezekshilik bólimine jergilikti JShS dırektory júginip, burynǵy býhgalterdi jaýapkershilikke tartý týraly aryz bergen.
«Zardap shegýshiniń sózinshe, 2018 jyly jumysqa ornalasqan 41 jastaǵy jergilikti turǵyn qyzmet babyn paıdalana otyryp, alaıaqtyq jolmen ózine senip tapsyrylǵan 400 myń teńgeniń múlkin ysyrap qylǵan.
Osyǵan baılanysty QR QK 189-baby «Senip tapsyrǵan bireýdiń múlkin ıemdený jáne ysyrap qylý» boıynsha is qozǵalyp, sotqa deıingi tergeý amaldary júrgizilýde. Kelinshek jasaǵan isine ókindi. Qazirgi kezde istiń mán-jaıyn naqtyly anyqtaý sharalary qolǵa alynǵan», - deıdi vedomstvonyń baspasóz qyzmetindegiler.
Aıta keteıik, Aqmola oblysynda jyl basynan beri polıtsııa qyzmetkerleri QR QK 189-baby boıynsha 59 qylmystyq is qozǵaǵan.
