Aqmolada salyqshylar ózgeniń qaryzy úshin basqa kompanııanyń múlkin tutqyndaǵan
Aqmola oblysynyń kásipkerler quqyǵy qorǵaý jáne sybaılas jemqorlyqqa qarsy is-qımyl keńesiniń músheleri 2018 jylǵy jumystardyń qorytyndysyn shyǵardy. Keńeste salyqshylardyń ózgeniń qaryzy úshin basqa JShS-niń múlkin tutqyndaý máselesi boıynsha sheshim qabyldandy.
«2017 jyly mamyr JShS salyq qaryzyn birtindep óteý úshin múlkin saýdalaǵan kásiporynnan avtokólik satyp alǵan. Keıin satyp alýshy bul kólikti Býrabaı aýdanynyń memlekettik kirister basqarmasy salǵan 44 múlik aýyrtpalyǵyna baılanysty tirkeý organdaryna esepke qoıa almaǵan. Bul jerde salyqshylar satýshy kompanııanyń salyq boıynsha 330 mıllıard teńge qaryzyn ótelgennen keıin ǵana kólikti tutqynnan bosatýdy jón dep sheshken», - dep túsindirdi óńirlik kásipkerler platasynyń baspasóz qyzmeti.
Alaıda, avtokólik satyp alǵan JShS ókilderi salyqshylardyń úsitnen sotqa aryzdanǵan. 2018 jyldyń 7 tamyzynda sot Býrabaı aýdanynyń memlekettik kirister basqarmasynyń áreketin zańsyz dep tanyp, avtokólikti múlik aýyrtpalyǵynan bosatý týraly úkim shyǵardy.
Sottyń sheshimin eskermegen salyqshylar atalmysh avtokólikke jańa múlik aýyrtpalyǵyn engizdi.
«17 qarasha kúni ótken keńestiń kezekti otyrysynda biz bul máseleni qarap, nátıjesinde prokýratýraǵa júgindik. 6 qarasha kúni Aqmola oblysynyń prokýratýrasy memlekettik kirister departamentine qatysty zańsyzdyqtardy joıý týraly usynys engizdi», - dep túsindirdi óńirlik kásipkerler palatasy basshysynyń orynbasary Shyńǵys Temirov.
Keıin 11 jeltoqsanda ótken keńes otyrysynda Aqmola oblysynyń memlekettik kirister departamentiniń basshysy Baýyrjan Sháıkenov JShS barlyq múlikterine múlikti aýyrtpalyqtyń alynǵanyn habarlady. Osylaısha, kásipkerler quqyǵy qorǵaý jáne sybaılas jemqorlyqqa qarsy is-qımyl keńesi músheleriniń jumysy nátıjesinde kompanııa satyp alǵan avtokólikterin esepke qoıyp, sharýashylyq jumysyna alańsyz qoldanýyna bolady.
«Jalpy, jyl basynan beri atalmysh keńestiń 10 otyrysy ótip, 23 túıtkildi másele qaraldy. Onyń 15 boıynsha naqtyly sheshim shyǵarylsa, qalǵandary qaralyp jatyr. Talqylanǵan máselelerdiń ishinde salyq, ekologııa, jer qatynastary, memlekettik satyp alý sııaqty birqatar taqyryptar bar», - dep tolyqtyrdy vedomstvodan.