Aqmolada respýblıkalyq jastar bilim berý lageriniń ekinshi aýysymy ashyldy
Sharaǵa QR Prezıdenti Ákimshiliginiń ishki saıasat bóliminiń basshysy Aıda Balaeva, QazAqparat HAA bas dırektory Asqar Ýmarov, belgili saıasattanýshy Aıdos Sarym qatysty.
Jastar aldynda Qazaqstan Respýblıkasy Prezıdenti Ákimshiligi Іshki saıasat bóliminiń meńgerýshisi Aıda Balaeva memleket pen qoǵam aldynda turǵan mindetterdi saralaı kele, sol mindetterdi sheshýge jastardyń da bilek sybana atsalysý qajettigine toqtaldy.
«Elbasymyz N.Nazarbaev óziniń «Rýhanı jańǵyrý» maqalasynda ulttyń tabysty bolýy básekege qabilettigimen aıqyndalatyn atap ótken edi. Sol sebepti búginen bastap bilimdi, qabiletti, ulttyq rýhy bıik, parasatty jastar tərbıeleýimiz kerek. Óıtkeni, Qazaqstannyń bolashaǵy bilimdi jáne tárbıeli jastardyń qolynda. Búgingi kúni elimizde jastardyń ónegeli urpaq bop ósýine barlyq jaǵdaı jasalynyp otyr», - dedi A.Balaeva.
Jastar aldynda sóz sóılegen belgili saıasattanýshy Aıdos Sarym men «QazAqparat» HAA bas dırektory Asqar Ýmarov «Jańǵyrý trendteri» taqyrybynda el men jer, til tárizdi qundylyqtar týraly oı tolǵap, ózderiniń ómirlik tájirıbelerimen bólisti.
Eske sala keteıik jaqynda Aqmola oblysynyń «Zeren» saýyqtyrý ortalyǵynyń bazasynda «Zeren» respýblıkalyq jastar bilim lageriniń «Digital-urpaq» atty birinshi aýysymy resmı túrde ashylǵan bolatyn. Oǵan elimizdiń ár óńirinen kelgen jastar uıymdarynyń kóshbasshylary, jas kásipkerler, «Qazaqstannyń 100 jańa esimi» jobasynyń qatysýshylary quralǵan jastar qatysýda. Lager 12-26 tamyz aralyǵynda 3 taqyryptyq aýysymda ótkiziledi. Búgin «Jańǵyrý trendteri» ekinshi aýysymy ashyldy.
