Aqmolada respýblıkalyq mańyzy bar birqatar joldar ashyldy
KÓKShETAÝ. QazAqparat - Aqmola oblysynda respýblıkalyq maqsattaǵy kúre joldardyń birqatar ýchaskeleri kóliktiń barlyq túrine ashyq, dep habarlaıdy QazAqparat tilshisi aýmaqtyq TJD baspasóz qyzmetine silteme jasap.
«Kúnniń ashylýyna baılanysty qańtardyń 3-i saǵat 09:00-den bastap respýblıkalyq maqsattaǵy kúre joldardyń «Nur-Sultan - Petropavl» 18-231 shaqyrymy (Şýche - Nur-Sultan), «Şýche - Zerendi» 0-80 shaqyrymy (Şýche - Zerendi),«Nur-Sultan - Qabanbaı batyr - Kıevka - Temirtaý» 42-51 shaqyrymy (Nura aýylynan Qaraǵandy oblysynyń shekarasyna deıin) ýchaskelerinde kóliktiń barlyq túrine jol ashyldy», - deıdi vedomstvodan.
Eske sala keteıik, búgin túnde aqtútek boranǵa baılanysty Qaraǵandy, Aqmola, Pavlodar oblystarynda jáne Nur-Sultan mańynda jol jabylǵan bolatyn.
Foto: a.d-cd.net
