Aqmolada Qnet qarjy pıramıdasynyń eki uıymdastyrýshysyn tergeý bastaldy

NUR-SULTAN. QazAqparat – Qarjylyq monıtorıng agenttiginiń Aqmola oblysy boıynsha departamenti qylmystyq jolmen alynǵan aqshany zańdastyrý faktisi boıynsha qarjy pıramıdasynyń eki uıymdastyrýshysyna qatysty sotqa deıingi tergeýdi bastady, dep habarlaıdy QazAqparat vedomstvonyń baspasóz qyzmetine silteme jasap.

«Salymshylardy tartý shemasy jalǵan saıahatshynyń kartasy shotyna 2 000 AQSh dollaryn salýdy jáne onyń ornyna 6 900 AQSh dollaryn alýdy qamtydy. Bul aqsha sheteldik qonaqúılerdegi qyzmet qunynyń 80%-yn tóleýge jumsalýy týraly jalǵan aqparat taraǵan.

Aqsha bolmasa, 5 smart saǵat satyp alýǵa onlaın nesıe berý usynyldy. Salymshylar smart saǵat almaǵan, ornyna «Qnet Mobile» qosymshasyndaǵy jalǵan shotqa «Ekardtar» túsip otyrǵan. Olardy jolaýshy kartasyn satyp alǵanda paıdalanýǵa bolady.

Uıymdastyrýshylar 8,5 mıllıon teńge kólemindegi qylmystyq kiristiń bir bóligin qazaqstandyq bankterdiń birindegi depozıttik shottarǵa salyp, depozıt boıynsha syıaqy túrinde qosymsha tabys alǵan», - delingen resmı habarlamada.

Qazir tergeý amaldary júrgizilip jatyr. QR KPK 201-babyna sáıkes tergeý múddesine qatysty ózge de málimetter jarııa etilmeıdi.

Eske salsaq, Kókshetaýda «Qnet» qarjy pıramıdasynyń basshylary 2 aıǵa qamalǵan bolatyn.