Aqmolada Prezıdent Joldaýyn iske asyrý mindetteri aıqyndaldy

KÓKShETAÝ. QazAqparat - Búgin Aqmola oblysynyń ákimi Ermek Marjyqpaevtyń tóraǵalyǵymen QR Prezıdenti Qasym-Jomart Toqaevtyń «Syndarly qoǵamdyq dıalog- Qazaqstannyń turaqtylyǵy men órkendeýiniń negizi» atty Qazaqstan halqyna Joldaýyn talqylaý boıynsha aktıv otyrysy ótti, dep habarlaıdy QazAqparat tilshisi.

Sharaǵa depýtattyq korpýs ókilderi, oblystyq basqarmalar men departament, quqyq qorǵaý organdarynyń basshylary, qoǵamdyq ujymdar, ulttyq kompanııa tóraǵalary, saıası partııalar men BAQ ókilderi qatysty.
Aktıvti ashqan aımaq basshysy Ermek Marjyqpaev Prezıdent bıylǵy Joldaýy el ekonomıkasyn damýdyń sapaly jańa deńgeıine kóterýge baǵyttalǵanyn atap ótti. Jıynda qazirgi zamańǵy tıimdi memleket, azamattardyń quqyǵy men qaýipsizdigin qamtamasyz etý, damyǵan jáne ınklıýzıvti ekonomıka, áleýmettik jańǵyrýdyń jańa kezeńi, óńirlerdi damytý sııaqty máseleler sóz boldy.
Memleket basshysynyń Joldaýdaǵy eń basty mindetterdiń biri qoǵam músheleriniń bılikke degen senimin kúsheıtý, quqyqqorǵaý organdary salasynda tolyqqandy reforma júrgizý, ındýstrıılandyrýdyń úshinshi bes jyldyǵyn júzege asyrý, halyqtyń ál-aýqatyn arttyrý, kópbalalylar men az qamtylǵan otbasylarǵa qoldaý kórsetý, adam kapıtalyn arttyrý, bilim, densaýlyq saqtaý salsyndaǵy qyzmettiń qoljetimdiligi men sapasyn arttyrý, buqaralyq sportty damytý sııaqty áleýmettik salaǵa basymdyq berilip otyr.
Sonymen qatar, aktıv jınalysynda «Azamattyq Alıans» zańdy tulǵalar birlestiginiń tóraıymy Irına Terenteva, «Agrofırma Green Star» JShS dırektory Imanǵalı Chúnkinov, Aqmola oblystyq máslıhatynyń depýtaty, «Toı Dastarhan» JShS dırektory Elena Maşınskaıa, «Tynys» aktsıonerlik qoǵamynyń bastaýysh partııa uıymynyń tóraǵasy Danııar Tashenov, Şýchınsk qalasyndaǵy №7 mektep lıtseıiniń dırektory Damır Suraǵanov sóz sóıledi.
Memleket basshysynyń alǵa qoıǵan mindetteri, bul búkil salany qamtıtyn bútin júıe ǵana emes, jalpy, Qazaqstan ekonomıkasyn damýdyń sapaly jańa deńgeıine kóterýge baǵyttalǵanyn týraly jıynǵa qatysýshylardyń oıy bir jerden shyqty.
«Prezıdenttiń Qazaqstan halqyna arnaǵan Joldaýyndaǵy mindetterdi júzege asyrý úshin aqmolalyqtar bar kúsh-jigerin qosatynyna senimdimin», -dedi atap ótti jıyndy qorytyndylǵan aımaq basshysy.
Aktıvti qorytyndylaǵan Ermek Marjyqpaev qujattaǵy tapsyrmalardy oryndaý úshin naqtyly mindetter belgiledi.
Joldaýda kórsetilgen ózekti máseleniń biri - kópbalaly, az qamtylǵan otbasylaryn baspanamen qamtý. Aqmola oblysynda osyndaı 950 otbasy páter kezeginde tur. Bıylǵy jyly 176 otbasynyń baspanymen qamtý josparlanǵan. Keler jyldan bastap, jyl saıyn 260 az qamtylǵan kópbalaly otbasylardyń qamtý kózdelgen.