Aqmolada polıtseıler ınsýlt alǵan júrgizýshini qutqaryp qaldy

ASTANA. KAZINFORM – Aqmola oblysynda polıtseıler jol qozǵalysy kezinde ınsýlt alǵan júrgizýshini der kezinde baıqap, onyń ómirin saqtap qaldy.

Stepnogorsk – Zavodskoı tas jolynda patrýldeý barysynda Stepnogorsk qalalyq polıtsııa basqarmasynyń patrýldik polıtsııa vzvodynyń qyzmetkerleri A. Smaǵulov pen A. Aıaǵanov, sondaı-aq Aqsý qalalyq polıtsııa basqarmasynyń bastyǵy A. Ýrýstıýmov joldan aýytqyp kele jatqan kólikti baıqaıdy. 

- Júrgizýshige shuǵyl kómek qajet bolýy múmkin dep, tártip saqshylary kólikti toqtatyp, jaǵdaıdy anyqtaǵan. Sezgendeı róldegi er adamnyń jaǵdaıy kúrt nasharlaǵany belgili boldy. Ol esinen tanyp, aınalasynda ne bolyp jatqanyn túsinbegen. Polıtseıler júrgizýshiniń ınsýlt alýy múmkin dep boljap, jedel áreket etti, - delingen habarlamada. 

Ýaqyt joǵaltpaı, tártip saqshylary jedel járdem shaqyrǵan. 

Sonymen qatar, er adamǵa alǵashqy medıtsınalyq kómek kórsetken. Onyń janynda bolǵan jubaıy qajetti dári-dármekterdiń qaıda ekenin aıtyp, polıtseıler olardy dereý taýyp bergen. 

Jyldam ári kásibı árekettiń arqasynda júrgizýshi medıtsınalyq kómek alyp, aman qaldy.