Aqmolada polıtsııanyń azamattardy qabyldaý keńsesi jumys isteı bastady
KÓKShETAÝ. QazAqparat - Aqmola oblystyq ІІD-niń barlyq aýmaqtyq bólimshelerinde 11 qyrkúıekten bastap, polıtsııanyń «Azamattardy qabyldaý» front-keńsesi jumys isteı bastady. Alǵashqy kúni 96 turǵyn polıtsııadan keńes aldy, dep habarlaıdy QazAqparat tilshisi ІІD baspasóz qyzmetine silteme jasap.
Vedomstvonyń deregi boıynsha QR ІІM 2017 jyldyń qazan aıynnan bastap, Eýropalyq Odaqtyń «Qazaqstandaǵy qylmystyq ádil sotty jetildirý» jobasy sheńberinde ishki ister organdaryn jetildirý maqsatynda «Jobalyq keńseni» iske qosty. QR ІІM qurylymdyq bólimshesi retinde Aqmola oblystyq ІІD atalǵan jobany engizý boıynsha jumystardy bastady.Sonyń biri, Aqmola oblystyq ІІD-niń barlyq aýmaqtyq bólimshelerinde 11 qyrkúıekten bastap polıtsııanyń «Azamattardy qabyldaý» front-keńsesi jumys isteı bastady.«Ótken jyly ІІM mınıstriniń tapsyrmasy boıynsha jáne Aqmola oblysy ákiminiń qoldaýymen baqylaý-ótkizý beketteriniń qazirgi zamanǵa saı ǵımaraty qurylǵan bolatyn. Onda kelýshilerdi tekserip, ótkizip qana qoımaı, azamattardyń aryz-shaǵymdary qaralyp, konsýltatıvti kómek beretin arnaıy bólme bar. Alaıda, front-keńse formatyndaǵy jańalyq aqmolalyqtardyń ishki ister organdaryna degen senimin arttyrady», deıdi ІІD baspasóz qyzmetindegiler.Qazirgi kezde, front-keńsesi ІІD-niń barlyq ákimshilik ǵımarattary men aýmaqtyq bólimsheleriniń kire berisinde ornalasqan. Onda turǵyndarǵa bilikti mamandar keńes beredi. «Front-keńse jumysyn bastaǵan birinshi kúni oblys boıynsha 96 turǵyn polıtsııadan keńes aldy. Onyń 15-i Kókshetaý qalasyna tıesili», - dep tolyqtyrdy vedomstvodan.Oǵan qosa, respýblıkada birinshi bolyp, Aqmola oblysynda polıtsııa qyzmetkerleri jumys ýaqytyn tıimdi paıdalaný arqyly ózderiniń fýnktsıonaldyq mindetterin durys atqarýyn talap etetin «Tıimdi polıtsııa: jumys ýaqytynyń ratsıonaldy reglamenti» pılottyq jobasy júzege asyrylýda.
