Aqmolada polıtsııa tapanshasymen buzaqynyń aıaǵynan atty
KÓKShETAÝ. QazAqparat - Aqmola oblysynda polıtsııa qyzmetkeri zań buzýshyǵa qarsy tabeldik qarýyn qoldandy, dep habarlaıdy QazAqparat tilshisi oblystyq ІІD-niń baspasóz qyzmetine silteme jasap.
Polıtseılerdiń málimeti boıynsha qazannyń 21-i kúni túngi saǵat 03:20 shamasynda Stepnogorsk qalalyq ІІB-niń kezekshilik bólimine qaladaǵy turǵyn úılerdiń biriniń aýlasynda belgisiz ekeýdiń bir er adamdy uryp jatqany týraly aqparat túsken. Oqıǵa ornyna patrýlde júrgen eki polıtsııa qyzmetkeri attandyrylǵan.
Oqıǵa ornyna jetken polıtseıler zardap shegýshi men kýágerlerdiń aıtýy boıynsha buzaqylardyń izine túsedi. Nátıjesinde polıtsııa serjanty Nurbek Muqanov kúdiktilerdiń birin oqıǵaǵa bolǵan jerge jaqyn mańnan baıqap qalady. Ustaý barysynda ishimdikke mas kúıde bolǵan er adam polıtsııa qyzmetkerine qarsylyq kórsetedi. Tipti, polıtsııanyń aıtqan zańdy talabyn oryndamaı taıaq ala umtylady. Osy kezde, polıtsııa serjanty Nurbek Muqanov tabeldik qarýynan birneshe ret aspanǵa oq atyp eskertýge tyrysady. Odan da túk shyqpaıdy. Sosyn baryp amalsyzdan, buzaqyǵa oq atady. Nátıjesinde er adam aıaǵynan jaralanady.
«Er adam mas bolǵandyqtan óziniń áreketine baqylaý jasaı almady. Eskertý retinde aspanǵa oq atýda esh nátıje bermedi. Barlyq jaǵdaı qasqaǵym sátte ótti. Buzaqynyń áreketinen ózim ǵana emes, áriptesim de zardap shegýi múmkin edi. Sondyqtan, buzaqyǵa tosqaýyl bolý úshin qarý qoldanýyma týra keldi», - dedi polıtsııa serjanty Nurbek Muqanov.
Qazirgi kezde, kúdikti ustalyp, qamaýǵa alyndy. Tergeý amaldary júrgizilýde.
Stepnogorsk qalasynyń prokýrory polıtsııanyń əreketin zańǵa qaıshy emes dep otyr.
Illıýstratsııalyq sýret
