Aqmolada polıtsııa qyzmetkerleri men ardagerleri marapattaldy
KÓKShETAÝ. QazAqparat - Aqmola oblysynda Qazaqstan polıtsııasy kúni men Memlekettik qyzmetshi kúnine oraı saltanatty shara ótti, dep habarlaıdy QazAqparat tilshisi oblysyq PD baspasóz qyzmetine silteme jasap.
«Dostar» mádenıet saraıynda uıymdastyrylǵan saltanatty sharada sóz alǵan Aqmola oblystyq polıtsııa departamentiniń bastyǵy, general-maıor Berik Biləlov quqyq qorǵaý qyzmeti asa mártebeli mindet ekendigin aıta kele, osy jaýapty joldan ár polıtseıdiń súrinbeı ótip, halqynyń maqtanyshyna aınalýyna nıettestigin bildirdi.
«Elimizdiń tynyshtyǵyn saqtap, qaýipsizdigin qorǵaıtyn Qazaqstan polıtsııasy qoǵamdyq tártipti qamtamasyz etý jolynda adal qyzmet etýde. Elimiz Táýelsizdik alǵannan bergi jyldar ishinde quqyq qorǵaý salasy aıtarlyqtaı damyp, tártip saqshylaryna keleli mindet júktelip otyr. Onyń ishinde aqmolalyq tártip saqshylarynyń keler jyly Kókshetaý qalasynda ótetin Qazaqstan men Reseıdiń óńiraralyq yntymaqtastyq forýmy kezinde qoǵamdyq tártipti qamtamasyz etýdegi jaýapkershiligi arta túsedi», dedi óz sózinde Berik Biləlov.
Sharada joǵary jetistikterge qol jetkizgen 15 polıtsııa qyzmetkeri QR Іshki ister mınıstriniń tós belgi, gramota jáne Alǵys hatpen marapattaldy. Budan bólek, Qazaqstan polıtsııasy merekesine oraı óńirdegi 252 polıtsııa ardageri men 1171 tártip saqshysy túrli deńgeıdegi nagradalarmen marapattalyp otyr.
