Aqmolada ózi jaýapty bolǵan múlikke ózi qol salǵan temirjolshy sottaldy
ASTANA. KAZINFORM — Aqmola oblysynda temirjol múlkiniń saqtalýyna jaýapty qyzmetker 14 dóńgelek jubyn urlaýdy uıymdastyrǵany úshin sottaldy. Keltirilgen shyǵyn 16,3 mln teńgeden asty, dep habarlaıdy Bas kólik prokýratýrasynyń baspasóz qyzmeti.
Tergeý materıaldaryna sáıkes, «Kýrort-Býrabaı» stantsııasynyń aǵymdaǵy jóndeý ýchaskesiniń sheberi qyzmettik jaǵdaıyn paıdalanyp, temirjol múlkin urlaýdy uıymdastyrǵan.
Qylmystyń saldarynan 16,3 mln teńgeden astam shyǵyn keltirilgen. Keıin zııan tolyq kólemde óteldi.
— Býrabaı aýdandyq soty temirjolshyny qyzmettik babyn paıdalana otyryp urlyq jasaý jáne senip tapsyrylǵan múlikti ysyrap etý qylmystary boıynsha kináli dep tanydy. Sot oǵan 5 jylǵa bas bostandyǵyn shekteý jazasyn taǵaıyndady, — delingen sot úkiminde.
Sonymen qatar memlekettik aıyptaýshynyń ótinishhaty boıynsha sot «QTJ» UK» AQ fılıaly – «Astana eksplýatatsııalyq vagon deposyna» quqyq buzýshylyqqa yqpal etken sebepter men jaǵdaılardy joıý týraly jeke qaýly shyǵardy.
Úkim zańdy kúshine endi.
Buǵan deıin Aqtóbede eki temirjolshyny kúıik shalyp, jansaqtaý bólimine túskenin jazǵanbyz.
