Aqmolada osymen ekinshi ret joǵalǵan kolledj stýdentteri izdestirilip jatyr
KÓKShETAÝ. QazAqparat - Kókshetaýda joǵalyp ketken eki stýdent qyz izdestirilip jatyr. Olar osyǵan deıin de bir ret joǵalyp, polıtsııa tapqan bolatyn, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
«Mamyrdyń 23-de saǵat 20:59 kezinde Kókshetaý qalalyq polıtsııa basqarmasynyń kezekshi bólimine Soltústik Qazaqstan oblysynyń 21 jastaǵy turǵyny habarlasqan. Onyń aıtýynsha, mamyrdyń 20-da kámelet jasyna tolmaǵan 27 qyrkúıek 2005 jyly týǵan sińilisi Elena Aleksandrovna Borzýn 9 qańtar 2004 jyly týǵan qurbysy Marına Andreevna Prozerevamen birge kolledj jataqhanasynan ketip qalǵan. Sodan beri olardyń qaıda júrgeni belgisiz», - dedi vedomstvodan.
Aıta keteıik, atalmysh stýdentter bıylǵy mamyrdyń 19-da kolledjden qashyp, keıin arada 7 kún ótken soń týystaryna qaıtyp kelgen bolatyn.
Artynsha olarmen áńgime júrgizilgen edi.
«Qazirgi kezde olardyń qaıda ekenin anyqtaý úshin tártip saqshylary jedel-izdestirý sharasyn júrgizip jatyr. Olardyń tanystary men týystary suraldy. Sonymen birge, Kókshetaý qalasyndaǵy beınebaqylaý kameralaryndaǵy jazba tekserilýde», - dep tolyqtyrdy vedomstvodan.
