Aqmolada órtengen úıden 37 jastaǵy er adamnyń denesi tabyldy

KÓKShETAÝ. QazAqparat - Aqmola oblysynyń Zerendi aýylynda jeke turǵyn úı órtendi. Órtti sóndirý kezinde 37 jastaǵy er adamnyń denesi tabyldy, dep habarlaıdy QazAqparat tilshisi oblystyq Tótenshe jaǵdaılar departamenti baspasóz qyzmetine silteme jasap.

«Sáýirdiń 30-da Zerendi aýylyndaǵy jeke turǵyn úıden órt shyqty. Órt bolǵan úıden 37 jastaǵy er adamnyń denesi tabyldy. Aldyn ala málimet boıynsha er adam ıis tıip, kóz jumǵan. Sonymen birge, denesin ortasha kúıik shalǵan 1961 jylǵy er adam aýrýhanaǵa jetkizildi. Dárigerler onyń jaǵdaı turaqty dep otyr», - dedi vedomstvodan.

Tilsiz jaýdy sóndirýge Tótenshe jaǵdaılar departamentiniń jeke quramynan 8 adam jáne 2 órt sóndirý tehnıkasy jumyldyryldy. Órt aýmaǵy 115 sharshy metrdi qurady.

«Qazirgi kezde, órttiń shyǵý sebebi anyqtalyp jatyr. Oqıǵa ornynda zertteý órt zerthanasy men aýdandyq polıtsııa bóliminiń jedel tergeý toby jumys isteýde», - dep tolyqtyrdy vedomstvodan.

Aıta ketsek, Aqmola oblysynda qarjy pıramıdasyn qurǵan áıeldiń isi sotqa joldandy.