Aqmolada órt shyqqan úıden 62 jastaǵy er adamnyń denesi tabyldy
KÓKShETAÝ. QazAqparat – Aqmola oblysynyń Arshaly aýdanynda órt shyqqan úıden 62 jastaǵy er adamnyń denesi tabyldy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, mamyrdyń 20-da saǵat 16:39 shamasynda Arshaly kentindegi Mıtchenko kóshesiniń boıyndaǵy turǵyn úıde órt shyqqany týraly aqparat túsken.
«Dereý oqıǵa ornyna jetken órt sóndirýshiler jatyn bólmege órtten ishinara zaqym kelgenin anyqtady. Sonymen qatar úıden 1958 jylǵy er adamnyń denesin tapty. Aldyn ala málimet boıynsha, órttiń shyǵýyna er adamnyń tósekte jatyp temeki shegýi sebep bolǵan» deıdi vedomstvodan.
TJD baspasóz qyzmeti atap ótkendeı, kóz jumǵan er adamǵa jarty jyl ishinde úsh ret órt qaýipsizdigi erejesin túsindirý jumystary júrgizilgen.
