Aqmolada oqýshylar arasyndaǵy kıkiljińnen jattyqtyrýshy zardap shekti
KÓKShETAÝ. QazAqparat- Aqmola oblysynda 22 jastaǵy jattyqtyrýshyny soqqyǵa jyqqan úsh buzaqyǵa qatysty sotqa deıingi tergeý amaldary júrip jatyr, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimeti boıynsha, oblys ortalyǵyndaǵy №5 «Tandaý» mektebiniń bazasynda sporttyq jarys kezinde alǵan.
Jarysqa Kókshetaý qalasyndaǵy úsh orta mekteptiń komandalary qatysqan.
«Oqýshylar arasynda kıkiljiń oryn alyp, ony jattyqtyrýshylar toqtatty. Jarys aıaqtalǵan soń bilim ordasyna oqýshylardyń biriniń tanysy kelip, 22 jastaǵy jattyqtyrýshyny uryp-soqqan. Er adam jaraqaty shamaly bolǵan soń medıtsınalyq kómek alýdan bas tartty», - dep aıtty polıtsııa departamentiniń baspasóz qyzmetindegiler.
Vedomstvodan atap ótkendeı, oqıǵaǵa baılanysty QR QK 293-babynyń 2-bóligi boıynsha is qozǵalyp, sotqa deıingi tergeý amaldary júrgizilýde.
«26, 23 jáne 20 jastaǵy úsh kúdikti anyqtalyp, olardan túsinikteme alyndy», dep tolyqtyrdy vedomstvodan.
