Aqmolada oblystyq «Aq bıdaı» jazǵy spartakıadasy ótip jatyr
KÓKShETAÝ. QazAqparat - Aqmola oblysynyń Esil aýdanynda jazǵy 31-shi oblystyq «Aq bıdaı» spartakıadanyń alaýy jaǵyldy, dep habarlaıdy QazAqparat tilshisi.
Jyl saıyn dástúrli túrde ótkizilip kele jatqan spartakıada bıyl Esil qalasynyń 55 jyldyǵyna arnalyp otyr. Esil qalasyndaǵy ortalyq stadıonda ótip jatqan jarysqa áýesqoı jáne kásipqoı sportty jandaryna serik etken, oblysymyzdyń eki qalasy men barlyq aýdandarynan barǵan komandalar qatysýda.
Spartakıadanyń ashylýyna qatysqan Aqmola oblysy ákiminiń orynbasaryAına Mysyrálimova óńir basshysy Málik Myrzalınniń atynan spartakıadaǵa qatysýshylardy quttyqtap, óńirimizden esimderi álemge, respýblıkamyzǵa tanymal kóptegen sport sańylaqtary shyǵyp otyrǵandyǵyn aıta kele, Elbasy Joldaýynda turǵyndardy buqaralyq sportqa tartý mindeti qoıylǵanyn atap ótti jáne sportshylarǵa dúbirli dodada sáttilik tiledi. Sondaı-aq, otandyq estrada juldyzy Qaırat Baekenov, «Format» jáne «Kılımandjaro» toptarynyń oryndaýyndaǵy ásem án men «Arlan-girls» qyzdarynyń myń buralǵan bıi esildikterdi shalqyta tústi.
Jarys erler men áıelder arasynda fýtbol, voleıbol men basketbol, shahmat tárizdi sporttyń birneshe túrleri boıynsha ótýde.
«Oblystyq deńgeıdegi spartakıada jergilikti jas sportshylar úshin respýblıkalyq, álemdik dodalarǵa aparar joldaǵy alǵashqy baspaldaq. Ótken jyldaǵydan góri, bıyl qatysýshylardyń sany kóp. Sondyqtan, jarys tartysty ótetinine senimdimin, dep atap ótti Aqmola oblysynyń dene shynyqtyrý jáne sport basqarmasynyń basshysy Áset Búkibaev.
