Aqmolada nemeresi ájesiniń 1 mln teńgege jýyq zeınetaqysyn býkmekerge jumsaǵan
AQKÓL. QazAqparat - Aqmolada nemeresi zeınetkerdiń bir mln teńgege jýyq aqshasyn býkmekerlikke jumsaǵan, dep habarlaıdy QazAqparat Polisia.kz resýrsyna silteme jasap.
14 mamyrda Aqkól aýdany Eńbek aýylynyń 70 jastaǵy turǵyny 16 naýryz ben 11 mamyr aralyǵynda belgisiz adamdar onyń bank shotynan 848 myń teńge kóleminde aqsha qarajatyn urlaǵany týraly ótinishpen polıtsııaǵa júgindi.
Zeınetker bankomattan qolma-qol aqsha alǵysy kelgen, biraq shotta aqsha joq ekenin bilgende qatty tań qaldy.
Bank aqsha býkmekerlik keńseniń shotyna aýdarylǵanyn habarlady.
Polıtseıler QR QK 188-baby (Urlyq) boıynsha sotqa deıingi is bastady.
Áńgime barysynda polıtseıler zardap shegýshiniń nemereleriniń bank kartasyn qoldana alatynyn anyqtady.
Jas jigit bul áreketin moıyndady. Nemeresi bank kartasy baılanǵan ájesiniń uıaly telefonyn paıdalanyp, stavka jasap, bul týraly ájesine aıtpaı aqsha aýdarǵan.
Operatsııalardy rastaý kody bar habarlamalar óshirilgen.
Aqmola polıtseıleri eshqandaı jaǵdaıda kartany sýretke túsire alatyn nemese odan aqparatty ózge tásilmen kóshire alatyn úshinshi tulǵalardyń qolyna berýge bolmaıtynyn eskertedi.
«Kúdikti esepten shyǵarýdy jiberip almaý úshin tranzaktsııa týraly SMS-habarlamany qosyńyz. Bank kartalarynyń pın-kodyn eshkimge aıtpańyz. Ózińizben birge alyp júretin jáne kúndelikti shyǵyndar úshin paıdalanatyn kartada úlken aqshany saqtamańyz. Qajet bolsa, negizgi shottan nemese depozıtten aýdarym jasaǵan durys» dep eskertegi polıtseıler.
