Aqmolada negizgi kapıtalǵa salynǵan ınvestııa kólemi 203 mlrd teńgege jetti
KÓKShETAÝ. QazAqparat - Aqmola oblysynda bıylǵy jyldyń 9 aıynda negizgi kapıtalǵa salynǵan ınvestııa kólemi 203 mıllıard teńgeni qurady. Bul ótken jyldyń sáıkes kezeńimen salystyrǵanda 7 paıyzǵa joǵary kórsetkish, dep habarlaıdy QazAqparat tilshisi oblystyq statıstıka departamenti basshysynyń orynbasary Rasýl Erǵalıevke silteme jasap.
«2018 jyldyń 1 qarashasynda Aqmola oblysy turǵyndarynyń sany 740 myń adamdy nemese respýblıka halqynyń 4 paıyzyn qurady. Jyl basynan eseptegende óńirdegi halyq sany 2 myń adamǵa artty», - deıdi Rasýl Erǵalıev.
Onyń aıtýynsha, eseptik kezeńde bir jumysshynyń nomınaldy aılyǵy (shaǵyn kásiporyndardy esepke almaǵanda) 118 myń teńge nemese byltyrǵy jyldyń sáıkes kezeńimen salystyrǵanda 9 paıyzdy qurady. Salystyrý úshin aqmolalyqtardan tómen eńbekaqy alatyndar Almaty oblysy, Shymkent qalasy (114 myń teńgeden), Soltústik Qazaqstan oblysy (109 myń teńge), Jambyl oblysy (104 myń teńge), Túrkistan oblysy (102 myń teńge).
Jan basyna shaqqanda kúnkóristiń eń tómengi deńgeıi bıylǵy jyldyń qazan aıynda ótken jyldyń sáıkes kezeńimen salystyrǵanda 14 paıyzǵa ósip, 27 myń teńgeden astam boldy.
«Ónerkásip ónimderiniń kólemi 2018 jyldyń qańtar-qyrkúıek aılarynda 463 mıllıard teńge, ónerkásip ónimderiniń ındeksi 103,8 paıyz boldy. Aýyl sharýashylyǵy ónimderiniń óndirisi bıylǵy jyldyń 9 aıynda 337 mıllıard teńge, bólshek saýda aınalymy 184 mıllıard teńge jáne kóterme saýda aınalymy 266 mıllıard teńgeni qurap otyr.
Al, saýda-sattyqqa keletin bolsaq, 2018 jyldyń qańtar-tamyz aılarynda Aqmola oblysy men EAEO arasynda 272 mıllıon AQSh dollarynyń saýdasy jasalǵan. Onyń ishinde 71 mıllıon AQSh dollary eksport, 201 mıllıon AQSh dollary ımport úlesinde», - dep tolyqtyrdy Rasýl Erǵalıev.
