Aqmolada munaı ónimderiniń zańsyz aınalymy anyqtaldy
Vedomstvonyń málimetinshe, Tselınograd aýdany boıynsha Memlekettik kirister departamentiniń qyzmetkerleri salyqtyq tekserý barysynda «Almaty–Ekaterınbor» tas jolyna jaqyn ornalasqan Araıly aýylynda janarmaı quıý stantsııasynda ilespe júkqujattarsyz jalpy somasy 396 myń 862 teńge bolatyn mólsheri 2 myń 294 lıtr AI-95 markaly benzın saqtaý faktisin anyqtaǵan.
«QR ÁQbK 281 babynyń 5 bóligi 2 bólimshesi boıynsha munaı ónimderin ilespe júkqujattarsyz aınalymy, jeke tulǵalarǵa – jıyrma, shaǵyn kásipkerlik sýbektilerine nemese kommertsııalyq emes uıymdarǵa – elý, orta kásipkerlik sýbektilerine – bir júz, iri kásipkerlik sýbektilerine úsh júz aılyq eseptik kórsetkish mólsherinde aıyppul salýǵa ákep soǵady.
Atalǵan fakti boıynsha ákimshilik materıal túzilip jáne sheshim qabyldaý úshin sotqa jiberildi. Anyqtalǵan munaı ónimderi saqtaýǵa qoıyldy», deıdi Aqmola oblysy boıynsha Memlekettik kirister departamentiniń baspasóz hatshysy Nurlan Ysqaqov.
