Aqmolada metall qabyldaý pýnktin tonaǵan 3 kúdikti ustaldy
KÓKShETAÝ. QazAqparat - Aqmola oblysynda temir-tersek qabyldaıtyn oryndy tonap ketken 3 kúdikti ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń deregi boıynsha, oqıǵa 6 maýsymda Bestóbe kentinde tirkeldi. Belgili bolǵandaı 22 jastaǵy zardap shegýshi qara jáne túrli tústi metall qabyldaýmen aınalysqan. Túngi saǵat 03:40-tar shamasynda betterin tumshalaǵan beıtanys 3 jigit pýnkttiń keńsesine basa-kóktep kirip, ony soqqyǵa jyqqan jáne 450 myń teńge aqshasyn tartyp alǵan. Kúdiktiler izin sýytqannan sátte zardap shegýshi birden Stepnogor qalalyq PB habarlasqan.
«Atalmysh qylmystyq isti Aqmola oblystyq PD bastyǵy óz baqylaýyna aldy. Jedel izdestirý sharasy barysynda Stepnogor qalasynyń 18, 21 jáne 24 jastaǵy turǵyndary ustaldy. Kúdiktilerdiń úsheýi de jumyssyz, ekeýi buryn sottalǵan», - deıdi vedomstvonyń baspasóz qyzmetindegiler.
Qazirgi kezde, osy oqıǵaǵa baılanysty QR QK 191-babynyń 2-bóligi boıynsha (tonaý) qylmystyq is qozǵalyp, sotqa deıingi tergeý amaldary júrgizilýde.
