Aqmolada «Meniń Otanym-Qazaqstan» týrıstik ekspedıtsııasynyń oblystyq kezeńi ótip jatyr
KÓKShETAÝ. QazAqparat – Aqmola oblysyndaǵy «Juldyz» balalardy saýyqtyrý ortalyǵynda dástúrli «Meniń Otanym-Qazaqstan» respýblıkalyq týrıstik ekspedıtsııasynyń 2-shi oblystyq kezeńiniń ashylýy ótti, dep habarlaıdy QazAqparat tilshisi.
«Rýhanı jańǵyrý» baǵdarlamasy sheńberinde «Visit Aqmola» týrıstik aqparat ortalyǵynyń qoldaýymen Aqmola oblystyq bilim basqarmasy uıymdastyrǵan sharaǵa oblystyń Birjan sal, Aqkól, Zerendi, Esil, Arshaly, Atbasar, Jaqsy, Qorǵaljyn jáne Sandyqtaý, aýdandary men Kókshetaý, Stepnogorsk qalalarynan kelgen 137 baladan quralǵan 20 komanda qatysýda.
«Sharanyń maqsaty – salaýatty ómir saltyn nasıhattaý, balalar men jaspirimder jáne jastar týrızmin damytý, óskeleń urpaqty otansúıgishtik pen patrıotızmge tárbıeleý», deıdi «Visit Aqmola» týrıstik aqparat ortalyǵynyń mamandary.
Qatysýshylar 3 kún boıy Býrabaı aýdanyndaǵy kórikti jerlerge ekspedıtsııa jasaıdy. Sondaı-aq, «Sporttyq- saýyqtyrý týrızmi», «Ekologııa-ólketaný baǵyttary», «Mádenı-tanymdyq týrızm» atalymdary boıynsha ózderiniń kásibı sheberlikteri men daǵdylaryn kórsetedi.
Úzdikter 2-shi respýblıkalyq ekspedıtsııaǵa oblys atynan qatysatyn bolady.
