Aqmolada memleketaralyq izdeýde júrgen 2 qylmysker ustaldy
KÓKShETAÝ. QazAqparat - Aǵymdaǵy jylǵy aqpannyń 15-19 kúnderi aralyǵynda Aqmola oblysynda ótip jatqan «Mıgrant» jedel aldyn alý sharasy aıasynda memleketaralyq izdeýde júrgen eki qylmysker ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, qylmyskerlerdi «Mıgrant» jedel aldyn alý is-sharasy barysynda Kókshetaý qalalyq PB krımınaldyq polıtsııa bóliminiń qyzmetkerleri qolǵa túsirgen.
«Soltústik Qazaqstan oblysynyń aýmaǵynda shekaradan ótý kezinde Aqmola oblysynyń Esil aýdanynyń 42 jastaǵy týmasy ustaldy. Ol densaýlyqqa qasaqana aýyr zııan keltirgeni úshin 2020 jyldyń tamyz aıynan bastap izdeýde júrgen. Er adamǵa qatysty «shaqyrǵanda kelý mindettemesi» protsessýaldyq májbúrleý sharasy tańdaldy.
Sonymen qatar, Reseı Federatsııasynyń Memlekettik shekarasyn zańsyz kesip ótpek bolǵan Stepnogorsk qalasynyń 37 jastaǵy turǵyny ustaldy. Oǵan 2010 jyldan bastap Reseı Federatsııasynyń Іshki ister mınıstrligi Omby oblysy boıynsha fedaraldy qaýipsizdik qyzmeti basqarmasy Reseı Federatsııasynyń Qylmystyq kodeksiniń 322 baby 1-shi bóligi boıynsha izdeý jarııalaǵan. Er adamǵa qatysty «eshqaıda ketpeý jáne tıisti minez-qulyq týraly qolhat» bultartpaý sharasy tańdaldy», - dedi vedomstvodan.
Vedomstvodan atap ótkendeı, «Mıgrant» jedel aldyn alý is-sharasy sheńberinde kóshi-qon qyzmetiniń qyzmetkerleri zańsyz kóship-qonýshylar men ishki ister organdarynda ýaqtyly tirkelmegen tártip buzýshylardy anyqtaý úshin júıeli túrde reıdter júrgizip turady.
«Jedel-aldyn alý sharasynyń alǵashqy eki kúninde Qazaqstan Respýblıkasynda shetel azamattarynyń bolý erejelerin buzǵany úshin Ákimshilik quqyq buzýshylyq kodeksiniń 517-baby boıynsha sheteldiń 61 azamaty ákimshilik jaýapqa tartyldy. Shaqyrylǵan sheteldikter QR Halyqtyń kóshi-qony salasyndaǵy zańnamasyn buzǵany úshin Ákimshilik quqyq buzýshylyq kodeksiniń 518 baby boıynsha 47 qabyldaýshy tarap, sondaı-aq, sheteldik jumys kúshin zańsyz paıdalanǵany úshin on jumys berýshi ákimshilik jaýapqa tartyldy. Sonymen qatar, polıtseıler 26 sheteldiktiń quqyqtyq mártebesin rettedi», - dep tolyqtyrdy vedomstvodan.
