Aqmolada mal dárigeri malshylarmen sybaılasyp urlyq jasady
KÓKShETAÝ. QazAqparat - Aqmola oblysynda mal dárigeri men malshylar birlesip fermadaǵy usaq maldy urlaǵany anyqtaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimeti boıynsha, 13 qazan kúni Atbasar aýdandyq ІІB kezekshilik bólimine Rodıonovka aýylynyń turǵyny habarlasyp, ferma aýmaǵynan usaq maldyń joǵalǵannyn aıtqan.
«Jedel-izdestirý sharasy barysynda polıtseıler mal dárigeri men 3 malshyny kúdikke alady. Tergeý kezinde kúdiktiler qylmysyn moıyndaıdy. Kúdiktiler 2 kún boıy ferma aýmaǵynan 10 bas usaq maldy jymqyrǵan. Osylaısha mal ıesine 400 myń teńge kóleminde shyǵyn keltirildi», dep túsindirdi baspasóz qyzmetindegiler.
Qazirgi kezde kúdiktilerdiń ústinen QR QK 188-babynyń 2-bólimi boıynsha qylmystyq is qozǵalyp, tergeý amaldary jalǵasýda.
