Aqmolada qylqan japyraqty aǵashtardy zańsyz kesý faktileri anyqtaldy
KÓKShETAÝ. QazAqparat - Aqmola oblysynda jańa jyl qarsańynda qylqan japyraqty aǵashtardy zańsyz kesý faktileri anyqtaldy, dep habarlaıdy QazAqparat oblystyq PD baspasóz qyzmetine silteme jasap.
«Aqmola oblysynyń polıtseıleri júrgizgen «Shyrsha» jedel aldyn alý sharasy nátıjesi boıynsha 11 tabıǵat qorǵaý zańnamasynyń buzylǵany belgili boldy. Onyń ishinde jańa jyldyq shyrshalardy zańsyz kesýdiń 5 faktisi, ruqsat etilmegen jerde zańsyz satý boıynsha 3 fakti tirkeldi. Osyǵan baılanysty QR QK 340-shy jáne QR ÁQbK 204-shi baptary boıynsha is qozǵaldy», delingen PD baspasóz qyzmetiniń málimetinde.
Máselen, jeltoqsannyń 19-da Birjan sal jáne Bulandy aýdandarynyń aýmaǵynda aǵashtardy zańsyz shabý, daıyndaý, tasymaldaý jáne satýdy anyqtaý, sondaı-aq bundaı áreketterdiń jolyn kesý baǵytynda júrgizilgen reıd kezinde qylqan japyraqty 15 aǵash pen 6 qaraǵaıdyń zańsyz kesilgeni anyqtaldy. Osy eki oqıǵaǵa baılanysty QR QK 340 babynyń 2 bóligi boıynsha (zańsyz aǵash kesý) is qozǵaldy.
Aıta ketý kerek, ormanda zańsyz aǵash kesken adam qylmystyq jaýapkershilikke tartylady. Onyń ishinde 200 AEK kóleminde aıyppul salý nemese 60 táýlikke qamaý jazasy qarastyrylǵan. Eger de kesilgen jáne joıylǵan aǵash orman qoryna esebinde bolsa, onda 300 AEK kóleminde aıyppul salynýy nemese 75 táýlikke qamalýy múmkin.
Al, QR ÁQbK 204-baby boıynsha jergilikti atqarýshy organmen belgilenbegen, ruqsat etilmegen jerde shyrsha saýdalaǵan tulǵaǵa eskertý nemese 5 AEK kóleminde aıyppul salynady.
«Shyrsha» jedel aldyn alý sharasy jańa jyl merekesine deıin jalǵasady.
