Aqmolada qutqarýshylar eki balyqshynyń ómirine arasha tústi
KÓKShETAÝ. QazAqparat - Aqmola oblysynyń Qorǵaljyn aýdanynda qaıyqtaryn tolqyn alyp ketken eki balyqshy qutqaryldy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetishe, tótenshe jaǵdaı Sholaq ózeninde bolǵan. Balyq aýlaý kezinde qatty jel turyp, eki balyqshy qaıyǵymen birge jaǵadan alystap ketedi.
«Balyqshylar úsh saǵat boıy óz kúshterimen jaǵaǵa jetýge tyrysyp kórdi. Biraq, olardyń bul áreketinen túk shyqpady. Osy kezde TJD men jergilikti atqarýshy organdardyń qyzmetkerleri kómekke keldi», - dep túsindirdi vedomstvodan.
TJD baspasóz qyzmeti keltirgen málimetterge qaraǵanda, qutqarylǵan eki balyqshyǵa da medıtsınalyq kómek qajet bolmady.
