Aqmolada quny 43 mln teńge bolatyn qurylys materıaldary urlaǵanǵan
Qaskúnemder qylmysty muqııat josparlap, kásiporynnyń syrtqy qaýipsizdik kameralarynyń ornalasqan jerin aldyn ala zerttep, eki júk kóligin jalǵa alǵan. Arshaly aýdany Jibek Joly kentinde ornalasqan kásiporyn dırektorynyń ótinishi 11 qazanda jergilikti polıtsııa bólimine kelip tústi.
JShS basshysynyń aıtýynsha, túnde belgisiz adamdar aýmaqty qorshap turǵan taqtaıshany kesip, kásiporynǵa kirip, qoımadan qurylys materıaldaryn shyǵaryp alyp ketken. Qaskúnemder keltirgen zalaldy kásipker 43 mln teńgege baǵalady. Urlyq faktisin polıtseıler QR QK 188-baby 4-bóligi (Urlyq) boıynsha sotqa deıingi tergep-tekserýdiń biryńǵaı tiziliminde tirkedi.
Oqıǵa bolǵan jerdi tekserý kezinde quqyq qorǵaý organdary qylmystyń muqııat josparlanǵanyn anyqtady: urylar qozǵalatyn kólikterdi JShS aýmaǵynda ornalasqan birde-bir beınebaqylaý kamerasy tirkemegen. Tsıfrlandyrý protsesteriniń zamanaýı tehnıkalyq quraldary men múmkindikterin paıdalana otyryp, krımınaldyq polıtsııa qyzmetkerleri Astana qalasynyń aınalasynda ornatylǵan «Sergek» kameralaryna monıtorıng júrgizdi. Aqmola polıtseılerine elordalyq áriptesteri úlken kómek kórsetti, olar qajetti jazbalardy usyndy.
Monıtorıng nátıjesinde jedel ýákilder qaskóıler júrgizgen GAZel avtokóligin anyqtady. Sol kúni Astanada júrgizilgen arnaıy operatsııa nátıjesinde eki kúdikti ustaldy, olardyń biri – sottylyǵy bar 35 jastaǵy elorda turǵyny, ekinshisi – 32 jastaǵy Jibek Joly aýylynyń turǵyny. Odan ári tergeý is-sharalaryn júrgizý kezinde urlanǵan qurylys materıaldary tabylyp, tárkilendi. Qazirgi ýaqytta aıyptalýshylar ýaqytsha ustaý ızolıatoryna qamaldy.
Foto:polisia.kz
