Aqmolada kóshege oınaýǵa shyqqan 12 jasar egiz uldar joǵalyp ketti
ARShALY. QazAqparat - Aqmola polıtseıleri joǵalǵan egizderdi úıine qaıtardy, dep habarlaıdy QazAqparat Polisia.kz resýrsyna silteme jasap.
20 mamyrda Arshaly aýdanynyń PB kezekshi bólimine Arshaly kenti, 20-úı 8-páterdiń 42 jastaǵy turǵyny habarlasqan.
Aıtýynsha, saǵat 21:30 shamasynda úıge kelgende kámeletke tolmaǵan egizderdiń joqtyǵyn kórgen. Sonymen birge úıdegi qarmaq ta ǵaıyp bolǵan.
Polıtsııa qyzmetkerleri dereý izdestirý sharalaryn uıymdastyrdy.
Joǵalǵan oqýshylardy izdestirýge biryńǵaı ornalastyrý júıesine tartylǵan barlyq ekıpajdar, qylmystyq izdestirý qyzmetkerleri, ýchaskelik polıtsııa ýákilderi jáne ıývenaldy polıtsııa ınspektorlary baǵdarlandy.
Jedel-izdestirý sharalarynyń nátıjesinde bir saǵattan keıin polıtseıler túnde adasyp ketken 12 jasar ul balalardy tapty.
Kámeletke tolmaǵandar 20 mamyr kúni saǵat 13:30 shamasynda kóshege oınaýǵa shyǵyp, qarańǵy túskenin baıqamaǵan.
Tek saǵat 22:00 kezinde olar kesh ekenin jáne úıge qaıtý kerektigin túsindi.
Egizderdiń otbasymen aldaǵy ýaqytta osyndaı faktilerge jol bermeý týraly profılaktıkalyq áńgime ótkizildi.
Ata-ana balalarynyń amandyǵyna qýandy, al polıtsııa qyzmetkerleri olardy ýaqytynda taýyp, úıine qaıtardy.
