Aqmolada koronavırýstan jazylǵan 4 patsıent - Qosshy aýylynyń turǵyndary
KÓKShETAÝ. QazAqparat – Aqmola oblysynda koronavırýs ınfektsııasynan alǵash ret tórt adam jazylyp shyqty. Saýyqqan adamdar keshe úılerine oraldy, dep habarlaıdy QazAqparat tilshisi oblystyq densaýlyq saqtaý basqarmasyna silteme jasap.
Vedomstvonyń málimetinshe, tórt naýqas ta Kókshetaý qalasyndaǵy Aqmola oblystyq týberkýlezge qarsy dıspanserinde COVID-19 dıagnozymen túsip, emdelgen. Naýqastardyń barlyǵy - Tselınograd aýdanyndaǵy Qosshy aýylynyń turǵyndary. Tórteýi de shetelge barmaǵan, baılanys arqyly juqtyrǵan.
«Onyń biri - 1954 jylǵy áıel, ekeýi 1949 jáne 1990 jylǵy er adamdar. Olar naýryzdyń 28-de Aqmola oblystyq týberkýlezge qarsy dıspanseriniń juqpaly aýrýlar bólimshesine túsken edi. Sol kúni 67 jastaǵy (1953 jylǵy) taǵy bir er adam aýrýhanaǵa jatqyzyldy. Em qabyldaǵannan keıin, COVID-19 anyqtaý úshin eki márte zerthanalyq taldaý (araǵa 24 saǵat salyp) júrgizildi. Zertteý qorytyndysy boıynsha olardyń boıynan COVID-19 tabylmady. Osylaısha, 16 táýlikten keıin naýqastar úılerine qaıtty», - dedi vedomstvodan.
Aıta keteıik, Aqmola oblysynda koronavırýs juqtyrǵan 73 adam tirkelgen, onyń 4-eýi indetten kóz jumdy.
