Aqmolada koronavırýsqa qarsy vaktsınatsııa naýqanyna daıyndyq qalaı júrip jatyr
KÓKShETAÝ. QazAqparat - Aqmola oblysynda jaqynda COVID-19-ǵa qarsy vaktsınanyń birinshi partııasy kelip túsedi. Bul úshin óńirde barlyq daıyndyq jumysy júrgizilip jatyr, dep habarlaıdy QazAqparat oblystyq ishki saıasat basqarmasyna silteme jasap.
QR Densaýlyq saqtaý mınıstrliginen aımaqqa reseılik «Spýtnık V» vektorlyq vaktsınasynyń 1100 dozasy túsedi.
Vaktsınatsııany birinshi kezekte juqpaly aýrýlar aýrýhanalarynyń, medıtsınalyq jedel járdemniń, reanımatsııa jáne qarqyndy terapııa bólimshesiniń, qabyldaý bólmeleriniń, statsıonarlyq kómek kórsetetin medıtsına qyzmetkerleri, KVI bar patsıentterge tikeleı qatysy bar sanıtarlyq – epıdemıologııalyq qyzmet qyzmetkerleri alady.
«Oblysta vaktsına salý jumysy 24 egý pýnktinde júrgiziledi, keıin qalǵan partııa túsken kezde qalǵan egý kabınetteri men kóshpeli brıgadalardy iske qosý josparlanýda. 1104 medıtsına qyzmetkeri jumysqa tartylyp, daıyndaldy», - deıdi oblystyq densaýlyq saqtaý basqarmasy basshysynyń orynbasary Narıman Syzdyqov.
Vedomstvonyń basty mindetteriniń biri - preparatty tasymaldaý úshin temperatýralyq jaǵdaıdy qamtamasyz etý.
Búgingi tańda aımaqta vaktsınany saqtaý úshin - 43°S deıin qatyrý dıapazony bar 4 muzdatqysh kamera, 19 muzdatqysh kamera, 119 termokonteıner, 33 tońazytqysh sómke, 448 salqyndatqysh element bar.
Oblystyń medıtsınalyq uıymdary úshin taǵy 215 muzdatqysh jabdyq satyp alynýda.
Oblys qoımasynan aýdandyq/qalalyq deńgeıdegi qoımalarǵa deıin vaktsına avtorefrıjeratorda arnaıy termokonteınerde jetkiziledi.
Qazaqstan Respýblıkasynyń halqyn koronavırýsqa qarsy erikti vaktsınatsııa 2021 jylǵy 1 aqpanda bastalady.
