Aqmolada kópbalaly otbasylar ulttyq salt-dástúrden synǵa tústi

KÓKShETAÝ. QazAqparat – Aqmola oblysynda kópbalaly otbasylar arysynda ulttyq salt-dástúrdi nasıhattaý boıynsha saıys ótti, dep habarlaıdy QazAqparat tilshisi.

Aqmola oblystyq ishki saıasat basqarmasynyń «Asyl mura» otbasylyq qundylyqtar ortalyǵyn uıymdastyrý» memlekettik áleýmettik tapsyrysy sheńberinde Qazaqstan halqy Aqmola Assambleıasynda «Shańyraq» áleýmettik-psıhologııalyq jáne zertteý ortalyǵy» qoǵamdyq qorynyń uıymdastyrýymen qıken saıysta oblystyń ári óńirinen jınalǵan alty kópbalaly otbasy «Qudalyq», «Shege shapan», «Quıryq baýyr», «Sáýkele», «Kelinniń kórimdigi», «Oramal salý», «Bata» tárizdi ulttyq salt-dástúrlerin pash etti.

«Sharanyń maqsaty – qazaq halqynyń ulttyq salt-dástúrlerin, otbasylyq qundylyqtardy nasıhattaý, jastardyń boıynda patrıotızm men otansúıgishtikti damytý. Jeńimpazdar «Meniń otbasym – meniń baılyǵym» – tanystyrý, «Dástúr – bizdiń baılyǵymyz» – úı jumysy, «Óner» – ulttyq óner saıysy, «Otbasy baqytynyń qupııasy» – tóreshilerdiń saýaldaryna jaýap berý kezeńderi boıynsha anyqtaldy», - deıdi saıystyń bas tóreshisi, «Qazaq tili men mádenıeti» qoǵamdyq birlestiginiń tóraǵasy Meırambek Qıyqov.

Saıys qorytyndysy boıynsha Hasenovter otbasy birinshi orynǵa laıyq dep tanylsa, Ysqaqovtar men Bıjanovtar otbasy ekinshi jáne úshinshi oryndardy ózara bólisti.

Sharaǵa «Nur Otan» partııasy Kókshetaý qalalyq fılıaly qoldaý bildirdi.