Aqmolada qonaqúıde týrısti tonaǵan áıel eki jyldan keıin ustaldy
BÝRABAI. QazAqparat - Aqmola oblysynyń Býrabaı aýdanyndaǵy qonaq úı nómirleriniń birindegi aqsha urlyǵy eki jyldan keıin ashyldy, dep habarlaıdy QazAqparat tilshisi.
Aqmola oblysy polıtsııa departamenti baspasóz qyzmetiniń málimetinshe, eki jyldan keıin daktıloskopııanyń arqasynda jarty mıllıonǵa jýyq teńge jymqyryldy.
«Polıtsııa qyzmetkerleri 2019 jyldyń tamyz aıynda Şýche qalasynyń qonaq úı nómirleriniń birinde jábirlenýshiden 425 myń teńge kóleminde aqsha urlaý urlyǵyn eki jyldan keıin ashty. Osyǵan baılanysty Qylmystyq kodekstiń 188-baby boıynsha sotqa deıingi tergeýdiń biryńǵaı tizilimine engizildi. Oqıǵa bolǵan jerdi tekserý kezinde krımınalıster saýsaq izderin, shaıyndylardy, mıkrobólshekterdi taýyp, tárkiledi. 2021 jyly krımınaldyq esepke alý bazasyn jańa derektermen tolyqtyrý nátıjesinde jańadan kelip túsken saýsaq izderiniń qolda bar saýsaq izderimen sáıkestigi anyqtaldy», - dep túsindirdi vedomstvodan.
Osynyń arqasynda kýrorttyq qalanyń qonaǵynan aqsha urlady degen kúdiktiniń jeke basy anyqtaldy.
Ol Býrabaı aýdanynyń 31 jastaǵy turǵyny bolyp shyqty.
Polıtsııa saýsaq izi arqyly qylmyskerdi kez kelgen ýaqytta, tipti qylmys jasalǵannan keıin de anyqtaýǵa bolatyndyǵyn atap ótti.
