Aqmolada kommýnaldyq tarıfterge qatysty zańbuzýshylyqtar anyqtaldy - prokýratýra

KÓKShETAÝ. QazAqparat - Astrahan aýdanynyń prokýratýrasy júrgizgen taldaý nátıjesi boıynsha «Komhoz» kommýnaldyq kásiporyny qyzmetinde sý jáne jylý energııasyn berý qyzmetine tarıf belgileý salasynda kóptegen zań buzýshylyqtardy anyqtady, dep habarlaıdy QazAqparat tilshisi Aqmola oblystyq prokýratýrasyna silteme jasap.

Vedomstvonyń málimetinshe, Astrahan aýdanynyń ákimdiginiń janyndaǵy sharýashylyq júrgizý quqyǵy bar «Komhoz» memlekettik kommýnaldyq kásiporyny sýmen jáne jylýmen qamtamasyz etý tarıfterinde qyzmetter men jumystarǵa arnalǵan naqty shyǵyndardy negizsiz kótergen.

«Tutynýshylarǵa keltirilgen shyǵyn kólemi 2 mıllıon 166 myń teńgeni qurady jáne bıylǵy 1 tamyzdan bastap 1 jylǵa ótemdik tarıfterdi engizý jolymen óteldi.

Atap aıtqanda, sýmen jabdyqtaý boıynsha tarıfter 74,8 teńgeni nemese 38,7 paıyzǵa (1 tekshe metr 193 teńgeden 118,2 teńgege deıin), jylýmen jabdyqtaý boıynsha 488,7 teńgege nemese 9,4 paıyz (1Gkal 5 173,2 teńgeden 4 684,4 teńgege deıin) tómendedi», delingen baspasóz habarlamasynda..

Prokýratýranyń qadaǵalaý aktisi boıynsha shamamen 4 700 azamattyń quqyqtary qorǵaldy.