Aqmolada kóktemgi sý tasqynynyń aldyn alý sharalary pysyqtaldy
KÓKShETAÝ. QazAqparat - Aqmola oblysynyń Atbasar aýdanynda «Kóktem-2019» respýblıkalyq komandalyq-shtabtyq oqý-jattyǵýy aıasynda azamattyq qorǵaý avarııalyq-qutqarý qyzmetteri men quramalarynyń arnaıy-taktıkalyq oqý-jattyǵýy ótkizildi, dep habarlaıdy QazAqparat tilshisi aýmaqtyq TJD baspasóz qyzmetine silteme jasap.
Oqý-jattyǵý barysynda basqarý organdarynyń tájirıbelik daǵdylaryn jetildirý máselesi, sondaı-aq, 2019 jylǵy kóktemgi sý tasqyny kezinde yqtımal tótenshe jaǵdaılardy joıý maqsatyndaǵy avarııalyq-qutqarý jáne basqa da kezek kúttirmeıtin jumystardy júrgizý barysynda azamattyq qorǵaý quramalary men avarııalyq-qutqarý qyzmetteriniń birlesken is-qımylynyń úılesimdiligi pysyqtaldy. Respýblıkalyq komandalyq-shtabtyq oqý jattyǵýyna 2714 adam jáne 952 tehnıka tartyldy.
QR ІІM TJK vıtse - mınıstri ıÝrıı Ilın respýblıkalyq komandalyq-shtabtyq oqý-jattyǵýynyń sátti ótkenin atap ótti.
«Aımaqta bıyl ylǵal mol. Bul bizdi alańdatyp otyr. Jerdiń qatý tereńdigi de orasan. Sol sebepti Aqmola, Qaraǵandy oblystarynda qaýipti aımaqtar kúni buryn belgilenip qoıdy. Búgingi oqý-jattyǵý sharalary da kóktemgi sý tasqynynyń aldyn alýǵa baǵyttalǵan. Qazirgi kezde tótenshe jaǵdaılar qyzmetiniń mamandary óńirdegi kóktemgi sý tasqynynyń qaýpi bar jerlerdi erekshe baqylaýǵa alyp otyr», - dedi ıÝrıı Ilın.
