Aqmolada keıýanany úıiniń kire berisinde tonaǵan kúdikti ustaldy
KÓKShETAÝ. QazAqparat – Aqmola oblysynda 84 jastaǵy keıýanany úıiniń kire berisinde tonap, 100 myń teńgeden astam aqshasyn qoldy qylǵan kúdikti ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, qazannyń 08-de saǵat 16:10 shamasynda Kóshetaý qalalyq PB kezekshilik bólimine habar túsken. 84 jastaǵy qarııanyń sózinshe, belgisiz jas jigit onyń 100 000 teńgeden astam aqsha salynǵan sómkesin kúshtep tartyp alyp, taıyp turǵan. Zeınetker abdyrap qalmaı birden polıtsııaǵa habarlasyp kómek suraǵan, tipti, kúdiktiniń ústine kıgen kıimderine deıin aıtyp bergen.
«Oqıǵa ornyna jetken tártip saqshylary qylmys oryn alǵan aýmaqta ornatylǵan beınebaqylaý kameralaryndaǵy jazbalardy tekserip, patrýldik polıtsııa jasaqtaryna habarlady. Beınebaqylaý kamerasy arqyly kúdikti anyqtalyp, Kóshetaýdaǵy qonaqúılerdiń birinde ustaldy. Kúdiktiden qarııaǵa tıesili qujattar men urlanǵan aqsha tabylyp, zańdy ıesine qaıtaryldy», deıdi vedomstvodan.
