Aqmolada kásipkerdiń 45 mln teńgesin urlaǵan kúdiktiler ustaldy
KÓKShETAÝ. QazAqparat - Aqmola oblysynda jeke kásipkerdiń 45 mıllıon teńgeden astam aqshasyn urlaǵan kúdiktiler ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetishe, 2019 jyldyń 1 shildesinde Bulandy aýdandyq PB-ne Makınsk qalasynyń 57 jastaǵy turǵynynan aryz túsken. Aryzdanýshynyń sózinshe, sol kúni túnde Makınsk qalasyndaǵy oǵan tıesili «Sarjan» dúkeninen 45 mıllıon teńge aqsha urlanǵan.
«Oqıǵa ornyna jetken tártip saqshylary oqıǵadan birneshe kún buryn kásipkerdiń bıznesin damytý úshin bankten nesıe alǵanyn anyqtady. Jedel izdestirý barysynda krımınaldy polıtsııa qyzmetkerleri Şýchınsk qalasynyń QR QK 175-baby 2 bóligi jáne 181 baby 2 bóligi boıynsha buryn sotty bolǵan 28, 32 jáne 33 jas shamasyndaǵy úsh turǵyndy ustady. Kúdiktilerden qylmysyn moıyndaǵany týraly túsinikteme alyndy. Qazirgi kezde atalmysh oqıǵaǵa qatysty QR QK 188-baby 4-bóligi boıynsha is qozǵalyp, sotqa deıingi tergeý amaldary júrip jatyr», - deıdi vedomstvonyń baspasóz qyzmetindegiler.
