Aqmolada kásipker týyp-ósken aýylynan boks zalyn ashty

KÓKShETAÝ. QazAqparat – Aqmola oblysynda kásipker óz qarajatyna Zerendi aýdanynyń Qyzyltań aýylynda boks zalyn ashyp berdi, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń dereginshe, osy aýyldyń týmasy, qazir Nur-Sultan qalasyndaǵy «Darhan ABI» JShS dırektory Ánýar Esmaǵulov kóp jyldan beri bos turǵan ǵımaratty jóndep, qalpyna keltirgen. Qyzyltań aýylynda boks úıirmesi 1986 jyldan beri jumys istep keledi. Sodan beri birneshe jas boksshy tárbıelenip, halyqaralyq jarystarda top jaryp júr. Sonyń ishinde QR sport sheberi men úmitkerleri Erkesh Saıyn, Qanat Aıtanov, Qaıyrjan Kýchýkov, Ánýar Batyrhanov, Ádilbek Temirbekov te bar.

«Sharaǵa qatysqan aýdan ákiminiń mindetin atqarýshy Erkesh Álenov aýyl turǵyndaryn quttyqtaı kele, jas sportshylardyń bokspen shuǵyldanýyna qol ushyn sozyp otyrǵan kásipker Ánýar Esmaǵulovqa alǵysyn aıtty. Oblystyq dene shynyqtyrý jáne sport basqarmasynyń basshysy Áset Búkibaev Aqmola oblysy ákiminiń atynan Alǵys hat pen sporttyq jabdyqtar satyp alýyna 1 mıllıon teńgeniń sertıfıkatyn tapsyrdy. Sonymen qatar, qyzyltańdyq boksshylarǵa Aqmola oblysy sport qaýymdastyǵynyń ókilderi de jyly lebizin bildirdi», - deıdi vedomstvonyń baspasóz hatshysy Mahabbat Bolshına.

Sharada jas sportshylar boks zalynyń sharshy alańynda ónerlerin ortaǵa saldy