Aqmolada iz-túzsiz joǵalǵan Atbasar turǵyny izdestirilýde
KÓKShETAÝ. QazAqparat – Aqmola oblysynda iz-túzsiz joǵalǵan Atbasar qalasynyń turǵyny Baqtııar Ospanovqa izdeý jarııalandy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń deregi boıynsha, 13 qyrkúıekte Atbasar aýdandyq PB-ǵa 55 jastaǵy Baqtııar Ospanovtyń joǵalǵandyǵy týraly aqparat túsken. Qyzy Karınanyń sózinshe, ákesi 7 qyrkúıek kúni jumystan shyǵyp, úıine oralmaǵan. Týystary birneshe kún boıy ózderi izdep kórdi, odan nátıje bolmaǵan soń polıtsııadan kómek suraǵan.
«Qazirgi kezde, polıtsııa er adamnyń týystar men jaqyn tanystaryn anyqtap, joǵalǵan kúni kórgen adamdardan surastyrýda. Arnaıy izdeý toby qurylyp, Aqmola oblysynyń barlyq aýmaqtyq polıtsııa bólimshelerine tuspaldaý berilip, kórshi aýdandar men oblystardyń aýmaqtarynda izdestirý sharalary júrgizilýde», deıdi vedomstvodan.
Baqtııar Bashenuly Ospanov: boıy 170-175 sm shamasynda, dene bitimi ortasha, beti domalanǵan, kózderi qara, qalyń qıǵash qasty, jalpaq tik muryndy, aq qysqa shaty, murty bar.
Ústine qara tústi shalbar, qar tústi kúrteshe, qara tústi aıaq kıim kıgen.
Tártip saqshylary Baqtııar Ospanovty kórgen, júrgen jerin, oǵan qatysty qandaı bir málimetterdi biletin adamdarǵa polıtsııaǵa habarlasýdy suraıdy.
