Aqmolada iz-túzsiz joǵalǵan 16 jasar qyz Almatydan tabyldy
KÓKShETAÝ. QazAqparat - Aqmola oblysynyń Tselınograd aýdanynda joǵalǵan 16 jasar qyz Almatydan tabyldy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, 2019 jyldyń 11 jeltoqsanynda Tselınograd aýdanyndaǵy Sofıevka aýylynyń 45 jastaǵy turǵyny habarlasqan. Áıeldiń aıtýynsha, jeltoqsannyń 11-inde túski ýaqytta 16 jastaǵy qyzy mektepke ketip, sodan úıine qaıtyp oralmaǵan.
«Jedel izdestirý sharalary barysynda krımınaldy polıtsııa qyzmetkerleri jáne ıývenaldy polıtsııa ınspektorlary bir táýliktiń ishinde jasóspirimniń Almaty qalasy aýmaǵynda júrgenin anyqtady. Belgili bolǵandaı, jasóspirim sol kúni tanysqan jas jigitke qonaqqa barǵan. Qazirgi kezde jasóspirimmen profılaktıkalyq jumys júrgizildi»,- deıdi vedomstvonyń baspasóz qyzmetindegiler.
