Aqmolada iz-túzsiz ketken balyqshynyń denesi 2 aptadan keıin tabyldy
KÓKShETAÝ. QazAqparat - Astrahan aýdanynda joǵalǵan balyqshynyń denesi tabyldy, dep habarlaıdy QazAqparat Tótenshe jaǵdaılar mınıstrligine silteme jasap.
Búgin saǵat 16.30 shamasynda Aqmola oblysy tótenshe jaǵdaılar departamentiniń qutqarýshylary Astrahan aýdanynyń Barshyn kólinen 23 qazanda joǵalyp ketken er adamnyń denesin tapty. Bul týraly QR TJM resmı ókili Talǵat Ýálı habarlady.
Esterińizge sala keteıik, 23 qazanda Astrahan aýdany Uzynkól aýyldyq okrýginiń Barshyn kóline tórt adam balyq aýlaý úshin barǵan bolatyn. Sol kúni keshke úsheýi metall motorly qaıyqpen kólde júzgen.
Al bireýi jaǵalaýda qalǵan. 28 qazanda izdeý toby eki balyqshynyń denesin tapty. Al úshinshi balyqshyny izdeý jumysy 14 kúnge sozyldy.
Barshyn kólindegi izdeý jumysyna úsh qaıyqpen 15 adamnan turatyn úsh súńgýir toby, aýdan ákimdiginiń, polıtsııa bóliminiń qyzmetkerleri, balyqshynyń týystary men janashyr turǵyndar qatysty.
Kóldiń aýmaǵy 40 shaqyrymnan astam ári onyń kóp bóligin qamys basyp ketkendikten izdeý jumysynda qıyndyq týyndady.
