Aqmolada ıisshil ıtterdiń kómegimen 127 qylmys ashyldy
KÓKShETAÝ. QazAqparat - Aqmola oblysynda jyl basynan beri ıisshil ıtterdiń kómegimen 127 qylmystyń beti ashyldy, dep habarlaıdy QazAqparat oblystyq PD baspasóz qyzmetine silteme jasap.
Vedomstvonyń málimeti boıynsha, búgingi tańda PD kınologııalyq qyzmet ortalyǵynda - 54 ıt bar, onyń 23-i aýmaqtyq bólimshelerinde bolsa, 31 ortalyqta. Kúndelikti bolyp jatqan qylmystardy ashýda polıtseılerdiń ǵana emes, ıtterdiń de úlesi zor. Ortalyqta nemis, belgııa ovcharkalary, labrador jáne koker - spanıel tuqymdy ıtterdi kezdestirýge bolady. Munda ıtterdi ustaıtyn arnaıy oryn, qyzmettik bólme, medıtsınalyq blok jáne túrli jattyǵý amaldaryn jasaıtyn keshen bar.
Jyl basynan beri ıisshil ıtterdiń kómegimen 127 qylmystyń beti ashyldy
Sonymen qatar, ótken jyly qyzmettik ıtter 960-dan astam qylmysty ashýda qoldanyldy. Onyń ishinde 957 kınologtar men olardyń kómekshileriniń qatysýynyń arqasynda.
Qyzmettik ıtter kóbine múlik urlyǵyn ashýda paıdalanylady. Máselen, jyl ishinde 586 urlyq, 32 tonaý jáne 106 usaq urlyq sııaqty qylmystar áshkerlendi.
«Itterdi tańdaýdyń ózindik ádistemesi bar. Eń bastysy kóziniń 100 paıyz kórýi, ıis sezýi qabileti bar jáne dene bitimi myqty bolýy tıis...», deıdi polıtsııa aǵa leıtenanty Nurlan Esenbaev.
Sonymen qatar, ıisshil ıtterdiń esirtki bıznesimen kúresýde paıdasy zor. Bul baǵytta qyzmettik ıtter esirtki saýdasymen aınalysqandardy anyqtaý maqsatynda uıymdastyrylǵan 50 sharanyń sátti ótýine, ıaǵnı, kúdiktilerdiń qylmysyn áshkerlep, ustaýǵa atsalysty.
Kınologtardyń qatysýymen QR QK 242-baby boıynsha «Terrorızm aktisi týraly jalǵan aqparat berý» týraly 13 qylmystyń betin ashyldy.
Budan bólek, ıisshil ıtterdiń kómegimen adam óltirýdiń 14 oqıǵasyna qatysty kúdiktiler ustaldy.
