Aqmolada hımııalyq qospasyz bıokosmetıka shyǵarylmaq
KÓKShETAÝ. QazAqparat - Aqmola oblysynda eshqandaı hımııalyq qospasyz otandyq bıokosmetıka shyǵaratyn ǵylymı ortalyq ashý josparlanýda, dep habarlaıdy QazAqparat tilshisi.
Stepnogorsk qalasynda otandyq bıokosmetıka shyǵaratyn «RE-BIOMED» ǵylymı ortalyq ashý jobasy júzege asyrylýda. Investıtsııalyq jobanyń quny 1 mıllıon AQSh dollaryn quraıdy. Munda betke arnalǵan sergitkish (tonık) jáne jaqpamaı tárizdi bıokosmetıka túrleri shyǵarylatyn bolady. Ortalyq aǵymdaǵy jyldyń qyrkúıek aıynda iske qosylady.
Kásiporyn basshysy Jánibek Kenjebaevtyń aıtýynsha, «RE-BIOMED» kompanııasynyń bıokosmetıkalarynda hımııalyq qospalar joq. Taza organıkalyq komponetterden turady. Sol sebepti de qoldanǵan kezde uzaq merzimde jáne 70 paıyz oń áser etedi.
«Kompanııa mamandary Kanada jáne Germanııa elderinde daıyndyqtan ótedi. Qazirgi kezde kásiporynda jergilikti 15 adam eńbek etýde. Kásporynyń jyldyq qýaty 3 mıllıon quty 20 mıllıon ampýl ónim shyǵarýǵa jetedi. Al ónimniń baǵasyna keletin bolsaq, árbir bıokosmetıkalyq zattyń quny 3-7 myń teńge aralyǵynda saýdaǵa shyǵarylatyn bolady. Qazirgi kezde saýda nútkeleri anyqtalýda. Ónimdi negizinen Qazaqstan men Reseıge naryǵyna shyǵarý josparda bar», - deıdi J. Kenjebaev.
