Aqmolada geroın saýdasymen aınalysqan qylmystyq top ustaldy
Vedomstvonyń málimetinshe, qazannyń 10-ynda PD esirtki bıznesimen kúres basqarmasynyń qyzmetkerleri jedel aldyn alý sharasy kezinde iri kólemde geroın saýdasymen aınalysqan toptyń jolyn kesti. Jedel izdestirý sharasy barysynda Atbasar qalasynyń 3 turǵyny ustaldy. Onyń ekeýi - erli-zaıyptylar.
«Tintý kezinde 48 jastaǵy kúdiktiden 7 polıetılen oramaǵa salynǵan 44,23 gramm esirtki zaty tabyldy. Saraptama tabylǵan zattyń geroın ekenin anyqtady. Al onyń 72 jastaǵy anasynyń úıinen jasyrýly turǵan 404, 14 gramm geroın tabyldy. Jalpy, osy arnaıy shara barysynda polıtsııa qyzmetkerleri zańsyz aınalymnan 465,79 gramm esirtki zatyn «geroın» tárkiledi. Ustalǵan qylmystyq toptyń ekeýi esirtki saýdasyna qatysty aýyr qylmys jasaǵany úshin buryn sotty bolǵan», deıdi vedomstvodan.
Vedomstvodan atap ótkendeı, qazirgi kezde kúdiktiler ýaqytsha ustaý ızolıatoryna qamalyp, QR QK 297-baby boıynsha qylmystyq is qozǵalǵan. Sotqa deıingi tergeý amaldary júrip jatyr.